ՀՀ դեսպան Վարուժան Ներսեսյանը հանդիպումը սենատոր Թոդ Յանգի հետ

17 դեկտեմբերի, 2019

Դեկտեմբերի 17-ին ԱՄՆ-ում ՀՀ դեսպան Վարուժան Ներսեսյանը հանդիպեց սենատոր Թոդ Յանգի հետ:
Դեսպան Ներսեսյանը ողջունեց Սենատի կողմից Հայոց ցեղասպանության ճանաչման մասին բանաձևի ընդունումը և նշեց, որ այն հստակ ուղերձ էր՝ ուղղված պատմական արդարության վերականգնմանը, ինչպես նաև մարդկության դեմ հանցագործությունների կանխարգելմանը:
Հանդիպմանը դեսպան Ներսեսյանը ներկայացրեց Հայաստանի կառավարության կողմից ժողովրդավարական ինստիտուտների ամրապնդման, դատական համակարգի բարելավման ոլորտներում իրականացվող բարեփոխումները:
Դեսպան Ներսեսյանը խոսեց Հայաստան-ԱՄՆ համագործակցության ներկայիս օրակարգի մասին, ամփոփ ներկայացրեց Լեռնային Ղարաբաղի հիմնախնդրի էությունը և խաղաղ կարգավորման շուրջ ընթացող բանակցային գործընթացը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր